Það er alltaf gaman að mæla árangur og það er einna best með aflmæli og strava. Aflmælir gefur þér hárnákvæmar tölur um getu líkamans til að skila af sér afli og hægt að bera saman á milli ára. Strava er skemmtilegt tól eins og ég hef oft talað um og þá sérstaklega segments eða leiðir þar sem notendur geta tímamælt sig sjálfkrafa yfir ákveðna leið sem hjóluð er. Í ár fór ég til Tenerife í æfingaferð með 2 stór markmið. Bæta mig í Granadilla-Vilaflor segmentinu og Masca segmentinu. 

Hér er myndband frá Masca þar sem ég bætti mig um rúmleg 3 mínútur í þessu harða klifri, með halla upp á 11-20% og 400m hækkun. Ef þér er nokkuð sama um afltölur þá njótu landslagsins, en Masca bærinn er í stórbrotnu landslagi í klettótum dal á norður Tenerife.

Í æfingaferðum þegar hjólaðir eru tvöfalt eða þrefalt lengri vegalengdir en venjulega og á hverjum degi er hvíld og næring lykilatriði. Í þeim ferðum sem ég hef farið hef ég ávallt valið mér hálft fæði á hóteli, morgunmat og kvöldmat. Það er þó mjög auðvelt að falla í þá gryfju að borða of mikið, enda eru verðlaunin fyrir dugnað oft í formi kræsinga. 
Fyrir mig sem þarf að huga að hverjum bita sem ég læt ofan í mig finnst mér best að takmarka morgunmatinn sérstaklega. Hér heima læt ég oft 2 egg duga í morgunmat, engin kolvetni fyrir hádegi og fæ ég mér frekar hafragraut 2 tímum fyrir æfingu eða um 4 leitið. Á hótelum eru oft allar mögulegar kræsingar í boði og ef farnar eru 2 ferðir í morgunmat er í raun verið að yfirfylla nú þegar fullann tank af eldsneyti enda ætti líkimm að hafa fyllt á glycogen birgðir líkamans kvöldið áður.
Best hefur mér gengið ef ég næ mér í orku strax að lokinni æfingu eða keppni, oft hef ég takið inn sérstakan recovery drykk og svo létta máltíð og í fyrra byrjaði ég að taka 100% amino frá prótís tvisvar á dag. 
Munurinn á æfingaferð og æfa hér heima með vinnu og fölskyldu er sú að það eina sem þú geirir er að hjóla, næra þig og hvíla. Þegar maður kemur heim á hótel eftir harða æfingu byrjar hvíldin strax fyrir næsta dag, algjör afslöppun getur hafist um leið og næring er komin á tankinn. 
Á kvöldin er sömuleiðis mikilvægt að borða hollann mat, fylla diskinn af grænmeti, létt prótein eins og kjúkling og fisk og slaka á í sykruðum eftirréttum. 

Dæmi um næringu á einum degi þegar hjólaðir eru 5 klst samfleytt:

Fyrir morgunmat:
100% amino og Liðir frá Protis

Morgunmatur:
2 egg
2 sneiðar beikon eða parmaskinka
Hafragrautur með nutella 
Blóðappelsína

Á Hjólinu fyrir hádegi:
1 brúsi af vatni
1 brúsi af þunnt blönduðum orkudrykk
1 High5 gel per klst ef þarf
1/2 orkustykki 

Hádegismatur:
Pastaréttur eða samloka með seranoskinku og osti (eða það sem þér þykir girnilegast og fljótlegast á þeim veitingastað sem stoppað er á, jebb það má fá hamborgara)

Á hjóli eftir hádegi:
Orkudrykkur sem fæst í næsta súpermarkaði
1 vatnsbrúsi
1-2 gel per klst
1/2 orkustykki

Beint eftir æfingu:
Liðir frá Protis
Recovery drykkur 

Kvöldmatur:
​Pasta eða grjón
Grænmeti
Létt prótein eins og kjúklingur og fiskur. Naut skal varast enda þungt í maga
ávextir skulu vera í meirihluta af eftirrétt ef slíkt er á borðum, ís auðvitað, hvað annað.

Nú er að hefjast spennandi hjólanámskeið í Hreyfingu sem ég og Rúnar Karl liðsfélagi minn í Team Örninn Trek munum halda utan um. Þetta mun verða spennandi og gefandi tækifæri til að þróa sig enn betur sem hjólanörd. Frá því ég byrjaði mitt tækifæri hef ég lært svo mikið af öðrum sem hefur gefið mér gríðarlega dýrmæta hvatningu og ekki síður reynslu. Nú verður gaman að vera í því hlutverki, að gefa af sér og vonandi vera öðrum hvatning. Námskeiðið hefst 21. febrúar og er 8 vikur. Við munum keyra í gegn gott æfingaprógram sem hefur hentað okkur vel, byrjum á góðum grunn æfingum, bætum svo við æfingum með meiri ákefð og endurtekningum með það að markmiði að allir sem námskeiðið sækja læri að stýra sinni ákefð og verði betri hjólreiðamenn. 
​https://hreyfing.is/vefverslun/namskeid/nytt-cyclothon-hjolanamskeid/416

Ég gat ekki annað en skellt í myndband til hliðar við síðasta póst en árlegt verkefni hjá mér er að skrifa inn á dagatalið mitt allt það helsta sem er að gerast á árinu, allt til þess að ég geti verið focuseraður á það sem er að gerast. Ég bæti svo reglulega við eftir því sem nýjar upplýsingar koma fram um keppnir og fleira.
Ég yrði þakklátur öllum þeim sem smella á like hnappinn á myndbandinu og ekki væri verra að geraast áskrifandi ef svona myndbönd eru hjálpleg. Markmiðið er að gera nokkur svona myndbönd á árinu þar sem fróðleikur ýmiskonar um hjólreiðar er aðalatriðið.

Kíkið endilega á keppnisdagskránna hér
Smellið hér til að skoða youtube rásina mína og gerast áskrifandi

En aðalatriðið er að setja sér markmið sem eru raunhæf. Markmið geta verið stór og smá en öll eru þau krefjandi og setja okkur ákveðin mörk. Fyrstu skammtímamarkmiðin mín var að geta hjólað, geta hjólað til vinnu, geta hjólað til vinnu flesta daga vikunnar, geta hjólað Reykjavíkurhring á leiðinni heim úr vinnu og svo setti ég mér markmið að geta hjólað frá Kastrup flugvelli niður til Fylkis vinar míns í Sönderborg á suður Jótlandi.
Þegar ég svo setti mér þetta stóra markmið setti ég alla mína orku í að undirbúa mig, velja leiðir, kaupa bögglabera, töskur og tjald, undirbúa mig andlega og um leið ræða markmiðin mín við aðra um leið. Fylkir studdi mig vel, strákarnir í Erninum (var ekki að vinna þar þá) studdu mig vel, fékk mikla athygli í vinnunni fyrir þetta og auðvitað í fjölskyldunni. Fólk kom með skoðannir, flestir á þá leið að ég væri að fara einn, pínu skrítinn, en það var góð ástæða fyrir því, aðalatriðið var að hjóla til vinar míns Fylkis sem ég sótti svo mikinn innblástur til.

Gleðileg jól og njótið, hjólið sem mest og borðið sem mest. 

Loksins þegar snjórinn kom komst ég í gírinn að hjóla úti, hér er eitt fallegt video frá vetrarfærðinni í fyrra. Það er nefnilega þannig að birtan sem kemur með snjónum og stillt veður er oft þægilegra til útihjólreiða en rigning og drungalegri stemming. Aðalatriðið er að njóta....

Á youtube síðunni minni hef ég klippt og deilt alls kyns myndböndum, flestum af hjólreiðum og hafa nokkrar útgáfur af keppnum og æfingaferðum fengið miklar vinsældir. Ég setti því upp playlista á youtube með öllum mínum myndböndum sem þú gætir haft gaman af. Auðvitað er frábært að gerast líka áskrifandi af youtube rásinni minni í leiðinni. Smelltu á rauða takkann hér fyrir neðan til að gerast áskrifandi og þar fyrir neðan eru nú yfir 20 myndbönd sem má njóta á trainer

Simon, Shane og Nathan ræða að venju það nýjasta í Zwift. . . . endalaus bið eftir iOS útgáfuða. Tacx Flux prufaður og umræða um samhjól á zwift þar sem hugmynd um stjörnugjöf og ummæli líkt og tripadvisor var velt fram.

The Zwift Academy er samvinnnuverkefni Zwift og Canyon Sram liðsins, þar sem ein kona getur unnið sér inn eins árs samning við liðið og hjólað sem atvinnumaður í eitt ár. 1200 konur sóttu um og eftir standa nú þrjár sem fara til Mallorca og æfa með liðinu í viku. Rætt er við eina konu sem er á leiðinni og aðra sem þurfti að hafna boðinu vegna strafsframa og er að vonum vonsvikin.

Umræða um æfingar á Trainer Road og rætt við ODZ liðið sem stendur fyrir fjölmörgum Samhjólum

En Zwift er Komið á ipad :)

Hlusta á þáttinn hér
​​

Æfingaferðir til heitari landa snúast um að komast í betra veður, fallegt landslag, krefjandi brekkur og annað hvort upphitun fyrir íslenska sumarið eða lengja það í hinn endann. Haustið 2016 fékk ég frábært tækifæri til að kanna aðstæður í Cambrils sport Resort sem er frábær garður þar sem hugsað er fyrir öllu hvað varðar íþróttalið í æfingabúðum. Ég var þar um miðjan Nóvember í þrjá daga og náði að hjóla yfir 300km um fjallahéruð Katalóníu. Svæðið mynti um margt á Mallorca, brekkurnar voru hæfilega brattar og langar, hægt að velja um fjölbreyttar leiðir og já, flatar leiðir líka. 

Costa Daurada er vinsæl meðal hjólreiðafólks, Cambrils park Resort hefur hýst margann atvinnumanninn, þar ber helst að nefna Giant Albecin liðið og þá hafa mörg Dönsk A klassa og atvinnumannalið dvalið þar, þar á meðal Riwal Platform Cycling team en Tobias Morch Kongstad sem sigraði Tour of Reykjavík.... lesa meira

Þáttur 15 af zwiftcast var áhugaverður fyrir nokkrar sakir. Fjallað var um World Bike Relief sem er 24 zwiftathon, þar sem safna skal fyrir reiðhjólum og þeim fundin góð not í Afríku. Ekki veitir af að hjólavæða afríkubúa, sumir þurfa að ganga 4 klst á dag til og frá nauðsynlegrar þjónustu svo sem mentunastofnana, læknaþjónustu og vinnu. Trek hjólaframleiðandinn gerir vel við söfnunina og ætlar að tvöfalda þá upphæð sem safnast.

Þá var fjallað um Nathan Stolzner sem er í þyngri kanntinum, yfir 300lbs (136kg) og ætlar sér að léttast. Hans ferðalag er nýhafið og hann notar zwift sem aðal motivation, Box Hill í London er hans helsti farartálmi á zwift en það tekur hann yfir 40 mín að hjóla upp þá brekku en markmiðið er skýrt, hraðar skal hann upp. Ég tengi vel við svona sögur og ekki annað hægt en að styðja menn með markmið.

Til að lesa um ferðalagið mitt þá má smella hér og allt um Zwiftcast þættina hér 

Zwiftcast er umræðuþáttur á netinu um Zwift og þar sem ég er einn af þeim sem kafa djúpt í allt sem ég geri þá hef ég hlustað á þættina. Ekki skemmir fyrir að þættirnir eru nokkuð skemmtilegir en þó aðallega fróðlegir. Þáttur 13 var undirlagður fyrir Eric Min framkvæmdastjóra Zwift. Hitað var ögn undir honum og hann spurður nokkura spurninga um fyrirtækið og kom ýmislegt fram. Næsti þáttur og sá nýjasti var mikið fjallað um viðtalið, sérfræðingar heðan og þaðan úr heiminum fengnir til að túlka og ræða allar nýju upplýsingarnar sem komu upp.
​
Hægt er að lesa meira um zwift hér og auðvitað tenglar á Zwiftcast fyrir áhugasama sem vilja kynnast Zwift betur.