Tímarit um hjólreiðar, VeloNews, gaf út á dögunum Best of 2015 blaðið og viti menn, Trek Madone var kostið besta hannaða  hjólið af fréttamönnum blaðsins. 

Trek Madone var í fréttum á fleiri stöðum en veftímaritið Cyclingnews setti fram könnun um besta hjólið 2015 og vödlu lesendur vefritsins Trek Madone hjól ársins með nokkrum yfirburðum. Keppnin var þó hörð enda mörg flott hjól þarna úti. Madone hefur fengið mikið lof fyrir flotta hönnun á loftflæði yfir hjólið án þess að fórna stífleika og léttleika sem oft vill verða. 

Að lokum verður að nefna að forritið Zwift var valin besta ástæðan til að hjóla innandyra og gleður mig mjög.
Spurning hvort Trek Madone leynist í jólapakkanum 

Allt er nú til, ég hef fjallað nokkuð um Zwift undanfarið, hef fengið viðurnefnið herra Zwift í kjölfarið og finnst mér það alls ekkert verra :) Eins og allir vita þá er þetta nýtt forrit og enþá í mótun. Fyrsti þáttur af Zwiftcast, einskonar umræðu þáttur um þetta fyrirbæri, var að detta í loftið. í þessum klukkutíma langa þætti er farið í þróun leiksins, Eric Min, maðurinn á bak við leikinn svarar spurningum um m.a. sitt eigið FTP, verður Velodrome smíðað í leiknum, nýjar leiðir, verður hægt að velja brautir, keppnir á zwift og fyrst, æfingaplön og FTP próf útskýrð. Zwift mun styrkja við bakið á kvennaliði og eru í samvinnu við MTN-Qubeka. Þá er talað um leiðir til að koma í veg fyrir svindl í keppnum, Þeir eru að fylgjast með okkur....

Ég hlustaði í það minnsta tvisvar á þetta hugfanginn enda ekki við öðru að búast.

Hlusta má á þáttinn hér

Fréttablaðið tók viðtal við mig eftir allt óveðrið og hjólreiðarnr til og frá vinnu. En umræðuefnið í viðtalinu var einnig ferðalagið mitt í heild sinni og birtist viðtalið í undirliðnum Fólk 5. desember. Lesa má viðtalið hér

Hjólaði snemma heim úr vinnu og tek enga sensa á glorulausu óveðri sem spáð er. Vonandi verða engin slys á fólki ég er í það minnsta komin heim

Það fór allt á flug í gær vegna myndbandsins sem ég tók á leiðinni í vinnuna, mbl hafði þetta um málið að segja og frétt á vísi má lesa hér, auk þess skrifaði nútíminn um myndbandið líka. Þá höfðu þáttastjórnendur í Síðdegisútvarpinu og þá sérstaklega Bergsteinn ekki mikla trú á því að ég gæti þetta eins og má hlusta á hér. Þar sem ég að sjálfsögðu sendi honum nánari sannanir um málið þ.e. strava skránna þá bauð hann mér í þáttinn og mætti ég að sjálfsögðu á hjólinu til að Björg þáttastjórnandi sæi hvað ég væri mikið hreystimenni. Hlustið endilega á þetta, held ég hafi komist næstum þvi skammlaust frá þessu :)

Í morgun var spáð slæmu veðri og foreldrar kvattir til að halda börnum heima og auðvitað fólk á vanbúnum bílum að alls ekki ana út í umferðina. En hvað gera hjólreiðamenn þá? Það er ekki raunhæft að hjóla á íslandi allann ársins hring er umræða sem ég þarf að taka á hverju ári, jafnvel oft á ári. 

Skiljanlega viljum við ekki senda börnin okkar út í hvaða veður sem er en aldrei mætti líka vanbúnum bílum við hágæða reiðhjól. Í morgun hjólaði ég til vinnu á Trek Superfly hjólinu mínu, ég er ekki með negld dekk á því en breið dekk og slöngulaust þannig að ég get hleypt ögn meira úr dekkjunum til að fá meira grip í snjónum. Hjólið er létt og gírarnir góðir. Það skemmtilega við þetta er að þetta hjól kostar brot af nývirði bíls í dag þó það sé vissulega ekki af ódýrustu sort.

Lauf gaffallinn léttir svo hjólið enn meira og gerir það sérlega skemmtilegt í snjó. Reynsla og kunnáttta knapans skiptir líka máli og auðvitað klæðnaðurinn sem þarf að vera þægilegur, má alls ekki flagsa utan á líkamanum, hlýr og vindheldur. Góð gleiraugu, hlý en þunn húfa og góður hjálmur.

Hér er myndband frá ferðinni í morgun, gékk án vandræða og var ekki mikið lengur á leiðinni en vanalega. Í raun finnst mér það forréttindi að geta hjólað svona fallega leið, fjarri stressi bílaumferðar og tilheyrandi hættu sem því fylgir.