Nú styttist heldur betur í fyrri æfingaferðina sem ég fer í þetta vorið. Ég fékk það verkefni fyrir Tenerife ferðina að finna leiðir og skrifaði um leið alla þá punkta á blað sem ég hef lært á þeim ferðum sem ég hef farið í hingað til. Smellið hér og lesið um æfingaferðir almennt og hér til að lesa nánar um planið mitt fyrir Tenerife. Ég mun svo bæta við upplýsingum um Mallorca þegar nær dregur. 

Þeir sem fylgjast vel með á síðunni minni hafa allir séð mig státa mig af vetrarhjólreiðum í hvernig veðri sem er og oft lætur maður það lýta út fyrir að vera ekkert mál. Síðastliðin tvö ár hefur t.d. tilhlökkunin til æfngaferðarinnar til Mallorca verið ástæðan fyrir því að maður nennir að pína sig út í hvernig veður sem, til að byggja upp gott þol og reyna að þyngjast ekki yfir jólinn til að vera í góðu formi fyrir næstu ferð. 

Svo skemmtilegar finnst mér þessari ferðir að nú í ár fer ég í tvær ferðir og núna er innan við mánuður í Tenerife ferðina þann 2. febrúar. Ég er byrjaður að rifja upp fyrri ferðir, skoða tímana mína, skoða leiðir og hvað mig langar að sjá. Þessi myndbönd voru tekin á mallorca og að sjálfsögðu verður myndavélin á hjólinu á Tene :) hægt verður að skrá sig í ferðina út þessa viku og upplýsingar um hana er að finna hér

Morgunblaðið hafði samband við mig um vetrarhjólreiðar og úr varð þetta fínasta viðtal. lesa má viðtalið hér og auðvitað á mbl.is en þar þarf víst að borga, sem ég gerði hmmm